قفلت باب غرفتي عليا أنا و شغالتنا .... أووووم الحشكهـ...

هههههـ هادا موضوع قريتو ومتـ ضـ ح ـكـ لا يفوتكمـ <<<

أول شي أحب أديكم فكرة عن شغالتنا
شغالتنا يا كرام مخروشة إلى أبعد حد يعني لما نشوفها جايبه الشاهي نعلن حالة الطوارئ وننزل البزورة للملاجئ

لإنو عادي عندها تشيل 13 إبريق شاهي بيد و10 دلال قهوة بيدها التانيه وتمشي صافطه الطبلون يعني كإنها تصاقط ظلالها

أنا أقول لأمي أحس إنها مسكونه بجني بيشارك في اختراق الضاحية

تصدقوا اشترينا جهاز تعلقو معاها عشان أومي لمن تبغاها تناديها بالجهاز بس للأسف عشان سرعتها سار الجهاز ما يلقط الإرسال

يعني لو تبغى تعزبها خليها لا تتحرك بس ثواني

وبعدين عادي تناديها وتسألها عن شي ما تدري إلا وهية رايحه ومخليتك.... مو تطنييش لا بس دباشه

أنا أحس إنها ماشافت بشر ولا تعرف كيف يتعاملو مع بعض

تقدروا تقولوا إنها مخروشه وفي روايه أخرى سبيكه

المهم أنا سرلي معاها موقف قوي

مرة وانا طالع لغرفتي مروق وأدخل غرفتي وأنا من عادتي إني أدخل غرفتي وبعدين أعطي الباب كعب قوي وأسكو وأقفل غرفتي

وأطلع جوالي وأرزعو على المخده مع إنو دايماً يطيح ورى السرير وأتبلش أدورو

وأفسخ توبي وأحطو في مكانو المعتاد اللي هوة أرميه على الأرض

بعدين أشيل فنيلتي وأصفطها إلين تسير زي الكوره وأشوتها على الشماعه

بعدين سروال السنه<<<< أموت وأعرف ليش سموه كدا ... بعدين الشيعه إيش يسموه سروال الشيعه خخخخخخ

عني ما يبقى على إلا سروال النص

المهم حمامي الله يعزكم جوا غرفتي

المهم لمن فسخت توبي قعدت قودام المرايه أطالع فنفسي وأكلم نفسي وأنكت شويا وأمسك المشط وأتخيلو مايكرفون وأغني الأمااااااااااااااااااااااكن يعني قمة الطرب

واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع
وارفسو برجلي خخخخخخخخ

وبقية الحركات اللي انا دايمن اسويها بشرط ما يكون عندي احد

عاد انا دايمن أنهي حركاتي هادي بقفزه على السرير وكنت دايمن وأنا أنط أقول دووووووق فليــــب<<< هادا اسم اللي كان يسوق قريندايزر <<< ينقلو شرح دحين

عاد وانا ناط وبين السما والارض حصلت مني التفاته
المهم لمن حصلت مني التفاته للحمام ايش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهية مصدومة

قلت لها صليحة خيررررر ايش عندك .. زي العاده ما ردت رجعت مرة تانيه بالإشاره أسألها ايش عندك كل هادا وانا بين السما والارض لسى ما وصلت السرير<<<< ما يكزب ابـــــــــــــــــــــــدن

وجلسنا نطالع فبعض اللي يشوفنا يقول والتقى الحبيبان وانا نفسي آخد المكنسة اللي معاها وأكنس البهاق اللي فوجهها

بعدين أمسك راسها وأدخلو بوسط السطل اللي فيه مويه عشان أشوف من فين ينسم راسها

واصرخ عليها يا دبشه ليش ما تكلمتي وقولتيلي انك هنا

وكالعاده كإنك تكلم جدار
المهم لاني عارفها دريت انها لمن سمعت صوتي انطرشت وما عرفت ايش تسوي

وبذهانتها الخارقه قالت بقعد هنا ومهو شايفني .... لعنبو دارك ودار مخك

عاد انا قعدت اتزكر ايش كنت بأسوي يلعن أبو الفشله بس اللي مهونها عليا قلت اشوى إني ما فسخت كل شي
كإني أنا اللي بطلب من أهلي يسفروني مو هية

المهم اني قلت لها خلاص امشي اطلعي وانا ابغا افتح باب غرفتي اسمع امي جايه لغرفتي وتناديني

يا سلاااااااااااااااااااام على الحظ

انا والشغاله بغرفة نومي والغرفة مقفله وانا كاسي عاري ما عليا الا سروال نص

يعني امي لو كانت عميا بيروح على طول بالها لداك الشي

يعني التهمة لبساني لبساااااني

,,,,.....الجزء الثاني ..........................

عشان تعيشوا معايا الموقف
انا ما عليا الا سروال نص والشغاله جنبي واقفه ,,,والباب مقفل وورى الباب امي

وانا اعرف امي محا تروح الا إزا فتحت الباب

في هادي اللحظه .... خطرت في بالي فكرة إنما ايه ما تخرش الميه
ليا خال يدرس برى وامي تموووووت فيه وازا دق تجري امي جري كأنها بنت جايتها رسالة جوال خخخخخخخخخخ

فقفزت على السرير وأخدت الجوال ودقيت على بيتنا ورد عليا ولد اخويا من تحت قلتلو انا خالك عزوز فين جدتك بسرعه انا اتكلم من برا

فقام البزر ينادي امي خااااااااااااااااالي عززززززززوووووووززز عالتلفووووووووووووون

امي اول ما سمعته يصووووت اتقربعت واتلخبطت وقامت تقول يووووووه قلو إنها فوووووووق وسارت تمشي وتدور التلفون اللي فووووق وهية تقووول افففففففف فين ودت التلفون هادي الشغاله

وانا في نشوة الفرح لنجاح خطتي الجهنميه اذا بصليحه <<<< مرة تانيه اسم شغالتنا

اذ بها لمن سمعت امي تقول (فين ودت التلفون هادي الشغاله) اذ بها بأعلى صوتها تقول... فوق مكتبه يا ماما

انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على الموقف بس ما لقى اي موقف مشابه قد مر عليه يعني سبق مو صحفي سبق غبائي لهادي الشغاله
الآدميه دي زكائها خارج التغطيه إلا مخها منتهي الصلاحيه هادي طفرة في الدباشه

المهم انا سرت ما اسمع لأمي صوت مدري هية سمعت الشغاله ولا لا

لمن جااااات المصيبه
وانا واقف عند الباب اتسمع والشغاله جنبي
اذ بصليحه تمسك عروة الباب وتبغى تفتحو فرمقتها <<<< حلوه رمقتها دي صح خخخخخخخخخخ
المهم رمقتها بعيني يعني ايش تبغي قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا

ياسلاااااااااااااااااااااااااااااااااااااام الاخت فاهمه غلط تحسبني اسوي كل دا عشاااان ابغاهاااااااااااااااااااااااااااا
مدري اضحك ولا ابكي ولا ايش اسوي فيها

من زينك انتي ووجهك اللي كأنو رسمة ولد بالروضه عيون يبغالها كروكي عشان تلاقيها وخشم افنس كأنو محول غاز

لعنبو شكلك لو تنط علينا الهيئه اخدو عليا تعهد وانتي سجنوكي مؤبد ورح يسوولي انا كشف حمل مو انتي <<<<< قويه شويا خخخخخخخخخخخخخخخخخخخخخخخخخ

المهم الآدميه مصره تفتح الباب وما دريت الا وهية فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه سروال السنه ولقيتو على الارض وأمد يدي بآخدو.<<<يعني إزا لبست بتنحل القضيه
... في هاللحظه فتحت امي الباب
ولا لقيت تصريفه لوضعي وانا ماد يدي للأرض بآخد سروالي إلا إني لا إرادياً قلت
اللللللللللللللللللللللله اكبررررررررررررررررررررر<<<<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ
ايش اسوي ما لقيت اي تصريفه وبعدين ما ابغى امي تسألني عن شي فأحسن شي أسوي نفسي أصلي

المهم اني فنفسي اقول يارب انها ما تلاحظ اني اصلي وانا شبه عاري

امي دخلت وتنحت شوية بعدين قالت للشغاله ايش قاعده تسوي لكن كالعاده الشغاله سحبت على أمي وطلعت

وقفت امي شوية وانا قاعد اصلي واقول فنفسي اشوى انها ما انتبهت اني متفسخ

المهم شوية الا وتقولي لي بتصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها
قالت بتصلي,,,, طيب بس ترى القبله غرب وانت تصلي شرق

وطلعت ورزعت الباااااب بقوووووووووووه

يوووووووووووووووووووووووووووووووه انوااااااااع الصدماااااااات ياربي ايش اسوووووووي
واقعد افكر يارب ايش اسوي والله اني مظلووووم <<<<<<رحمتوني صح
واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهية من هوووول الموقف قاعده تتنافض وتستنى ابوية
لمن جيت صرخت بوجهي لا تكلمني ولا تلمسني بعد
قلتلها اسمعي
الصدق مجراه والكذب مفراه
قالت ايش
قلت الصدق منجراه والكذب مفتراه
قالت ايش تقول انت
قلت اففففف الصدق زين والكدب شين ليش الفلسفه
وقعدت اقولها كل اللي صار واحلف ايمان واقسم بالله

والحمد لله لان امي واثقه فيا صدقتني
بس ما أدري ليش سفرو الشغاله بعد يومين<<< الين دحين ما فهم إنهم سفروها لأنهم ما صدقوه خخخخخخخخخخخخخخخخ

بالنهايه أحب أنصح أخواني الشباب انتبهو تتفسخو بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ

هههـ..

ماشاالــله

فلم كــــامل يبغالو مخرج

بس حيــلو صراحة في شوية مغااامرة

تقبلي مروري

هههههههههههههههههههههههههههههههههههههههه

الله يرجك يا شيخة وربي أوووم الفلة

موضوع فسقااان

يسلموـو يـا ع ـسلز

ههههههههههههههههههههههههههههه

اووم الورطه اللي زي كداا

يسلمو ياعسل على الموضوع

rahoma,,shosho,,sajoO

ميــ غ ـسي ع هيكـ طلهـ

هههههههههههههههههههههههههههههههههههههههههههههههههههههههههههههههههههههههههههههههههههههه

وربي مررررررررره كاااااااي من جد اووووم الحشكه مووووضوووع في قمة الروعه يا سوووكر تقبلي طلتي البسيطه

stranger is danger